大浪西灣 - 香港馬爾代夫 (Tai Long Sai Wan, Hong Kong)

香港最靚海灘!水清沙幼,更被大自然環抱的大浪西灣!

炎炎夏日,香港人都很喜歡到沙灘享受陽光的溫暖同埋暢泳一番。

淺水灣、石澳等等的泳灘都擠滿人,十分濟迫,想靜靜地來一個日光浴也沒可能。而且水質也未必理想,近岸的水可能有不少的垃圾,又或水面上鋪上了一層油(大概是太陽油吧)!這樣可能令大家興致盡失。

如果你都有相同的經歷,或者想試試其他美麗的海灘,咁就一定要去去大浪西灣喇!

大浪西灣可以話係香港的馬爾代伕,水清沙幼,到來玩樂的人數也不多。當然,要享受一個咁美麗的海灘係要付出一點點的代價!為什麼?因為大浪西灣係位於西貢內一個未完全發展的地方。要去大浪西灣,過程都幾麻煩啊!

首先要到西貢市中心搭29R的村巴(或的士)去到西灣亭,再行小路大約四十五分鐘先可以去到。記著小路中途有一個分岔口,大家只要直行,就係正確去大浪西灣的路線喇!小路沿途風光也十分優美,有萬宜水庫的美景,小路兩旁又多花草樹木。

行完小路就到達大浪西灣啦!海灘上不是人頭湧湧,而眼前的正是水天一色,一望無際。(我每次去到大浪西灣,海灘上的人數都不會超過一百人呢!)定一定神之後再環顧四周,都會發覺自己被石群、樹林所環抱著!立即覺得自己都成為了大自然的一部分!而大浪西灣旁的西灣村有幾間士多仔,大家可以在士多仔借太陽傘、浮床、水泡等等來玩樂一番。而玩到肚餓時又可以在士多仔內開餐,記得食下亞婆豆腐花。

但大家有幾點要注意:-

1. 因大浪西灣係無救生員當值,所以大家都唔好游水游到好遠,以免發生意外!
2. 仲有太陽傘是不可或缺,烈日當空下點都要有一把來擋擋太陽!
3. 記得由西灣亭開始就要用上太陽油,因小路都唔係全程有樹遮蔭!
4. 大浪西灣係收唔到手提電話的訊號,要打電話可以到士多仔借用!
5. 留意村巴的時間表,否則錯過了班次就得電召的士來回西灣亭同西貢市中心了!

最後係要大家呼籲大家如果到大浪西灣玩樂的話,請愛惜這個美麗的大自然!香港的自然風光可以話係「買少見少」,請大家好好珍惜!不要留下垃圾以及清理乾淨才離開!

有關資料:

村巴 29R 的時間表

路線圖 ,由圖中西灣亭( M029 – 030 之間)行到西灣( M031 )就係啦!

written by victat on 2010-08-17 #places #landmark #hong-kong #location #hk #suburban #e2c #agfa-ct100 #sai-kung #tai-long-sai-wan #kodak-e200-expired #canon-f-1

More Interesting Articles